Azərbaycan yığma komandası bu gün   Kipr seçməsi ilə qarşılaşacaq

Azərbaycan yığma komandası bu gün Kipr seçməsi ilə qarşılaşacaq

8 Sentyabr 2020 11:40
Bəyəndim (1) Bəyənmədim (0)

Futbol üzrə Azərbaycan yığma komandası sentyabrın 8-də UEFA Millətlər Liqasının qrup mərhələsinin ikinci turu çərçivəsində Kipr seçməsi ilə qarşılaşacaq.

Oxuməni.az xəbər verir ki, Nikosiyadakı “GSP” stadionunda baş tutacaq görüş Bakı vaxtı ilə saat 22:45-də start götürəcək.

Qarşılaşmanı slovakiyalı hakimlər briqadası idarə edəcək. Matçın baş hakimi Filip Qlova olacaq. Ona həmyerliləri Peter Bednar və Frantişek Ferenç kömək edəcəklər. Dördüncü hakim funksiyasını isə Boris Marhefka yerinə yetirəcək.

C Liqasının 1-ci qrupunda yer alan hər iki komanda turnirə məğlubiyyətlə başlayıb. Kipr doğma meydanda Monteneqroya (0:2), Azərbaycan millisi isə Lüksemburqa (1:2) uduzub.

Lüksemburq yığması ilə matçda qırmızı vərəqə alan Mahir Emreli bu oyunu buraxacaq. Kipr seçməsində isə Nikolas İoannu öz istəyi ilə heyətdən çıxarılıb.

Oxuməni.az