Azərbaycanda “istintaq sövdələşməsi” tətbiq ediləcək

29 Aprel 2016 14:27

Bəyəndim (0) Bəyənmədim (0)

Azərbaycanda "istintaq sövdələşməsi" institutu tətbiq ediləcək.

APA-nın məlumatına görə, bu, Azərbaycan prezidenti İlham Əliyevin 27 aprel 2016-cı il sərəncamı ilə təsdiq edilən "Açıq Hökumətin təşviqinə dair 2016-2018-ci illər üçün Milli Fəaliyyət Planı"nda əksini tapıb.

Milli Fəaliyyət Planına əsasən, Nazirlər Kabineti və Ədliyyə Nazirliyi 2016-2018-ci illərdə hüquqi şəxslər barəsində cinayət-hüquqi tədbirlərin tətbiqi qaydaları və korrupsiya cinayətləri ilə əlaqədar ibtidai araşdırma çərçivəsində "istintaq sövdələşməsi" institutunun tətbiqinə dair təkliflərin hazırlanmasını təmin etməlidir.

Baş Prokurorluq isə 2016-2017-ci illərdə korrupsiyaya qarşı mübarizə sahəsində əməliyyat-axtarış tədbirlərinin səmərəliliyinin artırılmasına dair təkliflər hazırlamalıdır.

Mediainfo.az