T.Rüstəmxanlı: “Göz qabağında şalvar çıxarmaq əxlaqsızlıqdır“

"Bir qrup gəncin Bakı metrosunda "şalvarsız aksiya" adı altında flaşmob keçirmək istəməsi sadəcə əxlaqsızlıqdır. Bunun başqa adı yoxdur. Bu cür iyrənc üsullarla oğlan və qızların çılpaq formada flaşmob keçirmələrinə nə gərək var?".

Bu fikirləri SİA-ya açıqlamasında "Azəri-Türk Qadınlar İctimai Birliyi"nin sədri Tənzilə Rüstəmxanlı bildirib.

Martın 1-də bir qrup gəncin 28 may metro stansiyasında "şalvarsız aksiya" keçirmək istəməsinə münasibət bildirən T. Rüstəmxanlı qeyd edib ki, buna qətiyyən yol vermək olmaz: "Bizim milli-mənəvi dəyərlərimiz var. O gənclərə kim haqq verib ki, bizim milli-mənəvi dəyərlərimizi heçə sayaraq belə bir aksiya keçirsinlər? Abır-həyanı ayaqlar altına atmaq olmaz. Millət belə gənclərə tüpürər. Aksiya keçirmək istəyən daha mədəni, sivil üsullardan istifadə etməlidir. Millətin gözü qabağında şalvarlarını çıxarıb, vaqonlara şalvarsız daxil olmaq sadəcə əxlaqsızlıqdır. Hüquq-mühafizə orqanları bunun qarşısını almalı, insanlar da belə gəncləri qınamalıdır".