Blinken Venesuelanı prezident səlahiyyətlərinin Qonzalesə verilməsinə çağırıb

2 Avqust 14:42

Bəyəndim (0) Bəyənmədim (0)

Vaşinqton administrasiyası hesab edir ki, Venesueladakı siyasi qüvvələrin prezident səlahiyyətlərinin müxalifət liderlərindən birinə Edmundo Qonzalesə verilməsini müzakirə etməyə başlamağın vaxtı çatıb. Bu versiya ABŞ-ın dövlət katibi Entoni Blinkenin cümə axşamı dərc olunmuş bəyanatında öz əksini tapıb.

Amerikanın xarici siyasət idarəsinin rəhbəri belə bir bəyanatla çıxış edib: “Təkzibedilməz dəlilləri nəzərə alsaq, Birləşmiş Ştatlara və ən əsası venesuelalılara aydındır ki, Edmundo Qonzales iyulun 28-də ən çox səs toplayıb.

“Biz Edmundo Qonzalesi uğurlu kampaniyaya görə təbrik edirik, indi Venesueladakı partiyaların Venesuela seçki qanunlarına və venesuelalıların istəklərinə uyğun olaraq hakimiyyətin hörmətlə, sülh yolu ilə keçidini müzakirə etməyə başlamağın vaxtıdır”. Biz Venesuelada demokratik normaların bərpasını tam dəstəkləyirik və xarici tərəfdaşlarımızla birlikdə onları gücləndirmək imkanlarını nəzərdən keçirməyə hazırıq”.

Oxuməni.az