Moldovada rus agentləri Sandunun seçkilərdəki qələbəsini alt-üst etməyə çalışırlar
Rusiya və kremlpərəst agentlər Moldova Respublikasında keçirilən prezident seçkilərində Maya Sandunun qələbəsini gözdən salmaq üçün informasiya əməliyyatına başlayıblar. Onlar səslərin hesablanmasının nəticələrini etibarsız hesab etməyə çalışırlar.
Bu barədə Müharibə Tədqiqat İnstitutunun (ISW) hesabatında deyilir.
Qeyd olunur ki, Moldova Respublikası Sosialistlər Partiyası Sandunu “qanunsuz prezident” adlandırıb.
Kremlə bağlı moldovalı oliqarx İlan Şor Rusiyanın “Rossiya-24” dövlət telekanalına deyib ki, Moldova müxalifətinin əlində seçkilərdə Sandunun xeyrinə kütləvi saxtakarlıq edildiyi barədə çoxsaylı “dəlillər” var.
Moldovanın kremlpərəst keçmiş prezidenti İqor Dodon TASS xəbər agentliyinə deyib ki, Sandu yalnız Moldova diasporunun səsləri sayəsində qalib gəlib.
Oxuməni.az
