Rusiya Federasiyasının İrkutsk vilayətində əldəqayırma traktorun qəzaya uğraması nəticəsində 6 nəfər ölüb
İyunun 11-də İrkutsk vilayətində yol-nəqliyyat hadisəsi baş verib, mini traktor və minik avtomobili toqquşub, nəticədə 6 nəfər ölüb.
Oxuməni.az “TASS”-a istinadən xəbər verir ki, qəza Alarski rayonunun Nıqda kəndi yaxınlığında baş verib. Agentliyin mənbəsinin sözlərinə görə, qəzaya uğrayan traktor əldəqayırma olub.
Daxili İşlər Nazirliyinin regional qərargahından verilən məlumata görə, qəza Çeremxovo - Qolumet - Onot yolunun 28-ci kilometrliyində baş verib. Qəza nəticəsində əldəqayırma traktorun sürücüsü və 4 sərnişini dünyasını dəyişib. İdarədən verilən məlumata görə, minik avtomobilinin sürücüsü təcili yardım maşınında dünyasını dəyişib.
Daxili İşlər Nazirliyindən verilən məlumata görə, “Lada Granta” markalı avtomobilin sürücüsü magistral yolda sürəti artıraraq tam sürətlə qarşısında hərəkətdə olan əldəqayırma traktora çırpılıb.
Almaz Həsənli
