Azərbaycanda vəhşilik: Atı şaxtada ağaca bağlayıb ölümə tərk etdilər

Azərbaycanda vəhşilik: Atı şaxtada ağaca bağlayıb ölümə tərk etdilər

26 Fevral 2021 12:33
Bəyəndim (0) Bəyənmədim (0)

Azərbaycanın Gədəbəy rayonunun Saratovka kəndində insanlığa sığmayan vəhşilik qeydə alınıb. Kənd sakinləri atın ayaqlarını bağlayaraq onu ağacdan asıblar.

Oxuməni.az baku.ws-ə istinadən xəbər verir ki, adları məlum olmayan sakinlər bu əməli heyvanın onların buğda sahəsinə girdikləri üçün ediblər. At Tovuz rayonu, Keşməli kənd sakini Həsənov Elton İlham oğluna məxsus olub.

Tovuz sakini bildirib ki, atı Gədəbəy sakinləri tərəfindən vəhşicəsinə öldürüblər və bununla əlaqədar polisə müraciət edib:

"Mən Tovuz sakiniyəm, Gədəbəylə sərhəd kənddə qalıram. 3 gün bundan qabaq iki atımı həyətə buraxmışdım. Onlardan biri dağı aşaraq Gədəbəy tərəfə keçib. Sonra hər yerə qar yağdı və atların ardınca gedə bilmədik. Sırağagün atamla gedib atları axtarsaq da, tapa bilmədik.

Sonra tanışlarımızdan biri zəng elədi ki, atları Gədəbəyin Saratovka kəndində iki nəfər aparıb. Dünən atamla kəndə gedəndə gördük ki, atın birini ayaqlarını bağlayaraq ağacdan asıblar. Digər atı isə aparıblar. Atı asmaqda məqsədləri isə guya heyvanın buğda sahəsinə girməsi olub".