Tramp Meksika körfəzinin adının “Amerika körfəzi” adlandırılması ilə bağlı sərəncam imzalayıb

ABŞ prezidenti Donald Tramp Meksika körfəzinin adının Amerika körfəzi adlandırılması haqqında fərman imzalayıb. Müvafiq sənəd Ağ Evin saytında dərc edilib və buradan tanış olmaq olar.
Bildirilir ki, Daxili İşlər Departamentinin rəhbəri buxtanın adının dəyişdirilməsi üçün bütün lazımi tədbirləri görməlidir, bunun üçün Tramp rəsmiyə 30 gün vaxt verib.
Sənəddə deyilir: “Katib sonradan Meksika körfəzinin adının dəyişdirilməsini əks etdirmək üçün GNIS-i yeniləyəcək və Meksika körfəzinə aid bütün istinadları qüvvədə olan qanuna uyğun olaraq GNIS-dən çıxaracaq”. GNIS – Coğrafi Adlar İnformasiya Sistemi.
Tramp hələ andiçmə mərasimindən əvvəl Meksika körfəzinin adını Amerika Körfəzi adlandırmaq niyyətində olduğunu bəyan etmişdi.
Bundan sonra Meksika prezidenti Klaudiya Şeynbaum Trampa eyni cür cavab verib. Şeynbaum “Meksika körfəzi” adının BMT tərəfindən tanındığına diqqət çəkib və ABŞ-ın yerləşdiyi qitənin “Meksika Amerikası” adlandırılmasını təklif edib və bu addan istifadə edən 1607-ci ilə aid xəritəni göstərdi.
Almaz Həsənli