ABŞ Daxili İşlər Naziri Burqum ölkədə geniş miqyaslı elektrik kəsintisi ilə bağlı xəbərdarlıq edib
ABŞ Daxili İşlər Naziri Doug Burgum bildirib ki, Birləşmiş Ştatlar elektrik enerjisi istehsalında böyük çətinliklərə görə bu ilin yayında elektrik enerjisində geniş fasilələrlə üzləşə bilər. Bu barədə Fox News xəbər verir.
"Biz bu həftə İspaniyada baş verənləri gördük. Bu, Amerikada bu yay baş verə bilər", - nazir deyib.
O qeyd edib ki, Birləşmiş Ştatlar hazırda elektrik enerjisi istehsalında “böyük çətinliklərlə” üzləşir.
Aprelin 28-də İspaniya, Portuqaliya və Fransanın Pireney yarımadası ilə həmsərhəd bölgələrində elektrik enerjisinin qəfil və geniş şəkildə kəsilməsi baş verib. Aprelin 29-da İspaniyada elektrik enerjisi təchizatı sabitləşib. Bildirilib ki, elektrik enerjisinin kəsilməsi nəticəsində ölkə iqtisadiyyatına dəyən ziyan 1 milyard avronu keçə bilər. “The Objective” qəzetinin ekspertlərin sorğusuna istinadən yazdığı kimi, elektrik enerjisinin kəsilməsi ölkənin ümumi daxili məhsuluna ciddi təsir göstərəcək, çünki bir çox biznes fəaliyyətini dayandırmaq məcburiyyətində qalıb.
Bundan əvvəl İspaniyanın ölkədə genişmiqyaslı işıqların kəsilməsi ilə bağlı araşdırmanı gizli saxlamaq qərarına gəldiyi bildirilib.
Əziz Mustafa, Oxuməni.az
