Hollandiya İngiltərəyə divan tutub

Hollandiyada keçirilən UEFA Millətlər Liqasının final mərhələsinin ikinci yarımfinal oyununda meydan sahibləri İngiltərə komandası ilə qarşılaşıblar

Mediainfo.az-ın verdiyi xəbərə görə, "Afonso Henriquea" stadionunda keçirilən oyunda meydan sahibləri daha yaxşı oyun nümayiş etdiriblər. Bununla belə hesabı qonaqlar açıblar. Oyunun 32-ci dəqiqəsində Reşfort Hollandiyanın qapısına təyin edilən 11 metrlik cərimə zərbəsini qola çevirərək hesabı açıb. Hollandlar ikinci hissədə hesabı bərabərləşdirmək üçün çox çalışıblar və nəhayət 73-cü dəqiqədə de Liqtin vurduğu qolla arzularına çatıblar.

Matçın əsas vaxtı 1:1 hesabı ilə başa çatdığı üçün əlavə vaxta ehtiyac duyulub. Əlavə vaxtın 97-ci dəqiqəsində Uolker səhvən topu öz qapısına göndərib və nəticədə Hollandiya hesabda irəli çıxıb. Oyunun 114-cü dəqiqəsində isə Promes 3-cü topu İngiltərənin qapısına göndərərək komandasının 3:1 hesabı ilə qalib gəlməsinə yardım edib. Beləliklə Hollandiya İngiltərəyə 3:1 hesabı ilə qalib gəlib və finala yüksəlib. Finalda Hollandiya yarımfinalda İsveçrəni 3:1 udan Portuqaliya yığması ilə görüşəcək