Azərbaycan Slovakiyanı qəbul edəcək: Məğlubiyyət Yuryeviçin sonu demək olacaq

Bu gün futbol üzrə Azərbaycan yığma komandası Slovakiyanı qəbul edəcək.

Mediainfo.az-ın verdiyi xəbərə görə, bu oyunda da komandamızın məğlub olması baş məşqçi Yuryeviçin istefası ilə nəticələnə bilər.

"Bakcell Arena"da keçiriləcək oyunu idarə etmək şotlandiyalı Con Bitonun rəhbərliyi ilə hakimlər briqadasına tapşırılıb.

Xatırladaq ki, Azərbaycan millisi tarix ərzində Slovakiya komandası ilə 6 dəfə görüşüb . Bu oyunlardan 5-də slovaklar qalib gəliblər. Azərbaycan yığması slovaklar üzərində yeganə qələbəsini 2011-ci ildə keçirilmiş dünya çempionatının seçmə mərhələ matçında qazanıblar. O vaxt Azərbaycan Slovakiyanı 2: 0 hesabı ilə məğlub edib.

Onu da qeyd edək ki, Azərbaycan E qrupunda keçirdiyi 2 görüşdə -Zaqrebdə Xorvatiyaya (1:2), Bakıda Macarıstana (1:3) məğlub olub

Bu qrupun digər oyununda isə Macarıstan Uelsi qəbul edəcək

AVRO-2020, seçmə mərhələ, IV tur

11 iyun

20:00. Azərbaycan - Slovakiya

Hakimlər: Con Biton, Alan Mulvanni, Şon Karr, Donald Robertson

"Bakcell Arena"