Qabiliyyət imtahanlarının vaxtı məlum oldu

Qabiliyyət imtahanlarının vaxtı məlum oldu

18 Fevral 2013 11:22
Bəyəndim (0) Bəyənmədim (0)

Ötən il buraxılış imtahanları Təhsil Nazirliyi tərəfindən aparılsa da, cari ildən etibarən peşə liseylərinin də buraxılış imtahanlarını Tələbə Qəbulu üzrə Dövlət Komissiyası həyata keçirəcək. Bu barədə Oxumeni.az-a TQDK-nın mətbuat xidmətindən məlumat verilib. Həm IX, həm də XI illik bazadan peşə liseylərində buraxılış imtahanlarını Dövlət Komissiyası aparacaq. Peşə liseylərinin buraxılış imtahanları orta məktəblərin buraxılış imtahanları ilə müqayisədə daha tez keçiriləcək.
TQDK sədri ötən həftəki i mətbuat konfransında qeyd edib ki, peşə liseylərinin buraxılış imtahanlarının tez keçirilməsi həqiqi hərbi xidmətə çağırışla əlaqədardır. Çünki peşə liseylərinin məzunları aprelin 1-dən hərbi qulluğa çağırırlar.
TQDK qabiliyyət imtahanlarının da vaxtını açıqlayıb. Belə ki musiqi sənəti, təsviri sənət, teatr, kino və xoreoqrafiya sənəti istiqamətləri üzrə qabiliyyət imtahanı 18-24 iyul tarixində, Memarlıq və dizayn istiqaməti üzrə qabiliyyət imtahanı 25 iyul- 1avqust tarixində, idman istiqaməti üzrə qabiliyyət imtahanı 31 iyul-12 avqust tarixlərində olacaq.

O.M.