Vaqner nüvə silahını ələ keçirməyə çalışıb

İyunun 24-də Moskvaya yürüş zamanı “Vaqner PMC” muzdlularının bir hissəsi Rusiya ordusunun nüvə silahı saxlayan möhkəmləndirilmiş bazasına doğru yollanıb.

Oxuməni.az xəbər verir ki, bu barədə “Reuters” qrupun hərəkətlərini əks etdirən videonu təhlil etdikdən və yerli sakinlərlə söhbətdən sonra məlumat yayıb.

Agentliyin məlumatına görə, “Vaqnerçilər” Voronej vilayətinin Talovaya şəhərinə çatıblar və orada rus hərbçiləri ilə döyüşə giriblər. Elə bu yerin yanında Müdafiə Nazirliyinin Ka-52 helikopterlərindən biri vurulub. Muzdluların məqsədi Voronej-45 bazasına keçmək idi.

Ukrayna hərbi kəşfiyyatının rəhbəri Kirill Budanov Reuters agentliyinə bildirib ki, üsyançılar bel çantasında daşıya bilən kiçik nüvə yükləri almağa hazırlaşırdılar.

Sırt nüvə silahları daşıyan çanta Soyuq Müharibə dövründə yaranıb və 1990-cı illərin əvvəllərində Rusiya və ABŞ onları məhv etmək barədə razılığa gəliblər. Bununla belə, ABŞ-ın nüvə silahının yayılmaması üzrə keçmiş rəsmiləri etiraf edirlər ki, Rusiya vədini pozmuş ola bilər.

Budanovun versiyasını hərbçilər arasında əlaqələri olan Kremlə yaxın mənbə qismən təsdiqləyib.

Bu insident Kremldə narahatlıq yaradıb və Belarus prezidenti Aleksandr Lukaşenkonun vasitəçiliyi ilə üsyançılarla erkən danışıqlara töhfə verib.

Əziz Mustafa, Oxuməni.az