Baş Qərargah ukraynalıların Donetsk vilayətində irəlilədiyini elan edib

Ukrayna Silahlı Qüvvələrinin Baş Qərargahı ordunun rusların nəzarətində olan Donetsk vilayətinin Staromayorskoe kəndinin bir hissəsinin azad etdiyini təsdiqləyib.

Oxuməni.az xəbər verir ki, bu barədə Ukrayna mətbuatında gedən məlumatlarda deyilir.

"Donetsk vilayətinin Staromayorskinin şimal hissəsində düşmən itirilmiş mövqeni bərpa etmək üçün uğursuz cəhd edib", - deyə Ukrayna Baş Qərargahı bildirib.

Rusiya teleqram kanalları da Ukrayna Silahlı Qüvvələrinin Staromayorskoye ərazisinə daxil olması barədə yazıblar. Onlardan bəziləri iddia edirdilər ki, Ukrayna qoşunları artıq oradan geri çəkilib və kənd Rusiya Federasiyasının nəzarəti altındadır. Ayrı-ayrı rus saytları isə bütün kəndin Ukrayna tərəfindən azad edildiyini yazıb. Eyni zamanda, Rusiya Müdafiə Nazirliyi Staromayorskidəki hücumların dəf edildiyini açıqlayıb.

Baş Qərargah rusların 7 sahədə hücum etdiyini də bildirib: "Bütün bu hücumlar dəf edilib. Rusiyanın Maryinkadakı hücumu da davam edir, Ukrayna ordusu düşmənə layiqli cavab verir”.

Əziz Salamoğlu