Tokioda ən uzun yağıntı rekordu - ardıcıl 34 gündür yağış yağır
Meteoroloqlar Tokionun mərkəzində rekord miqdarda - 34 gün ərzində yağıntı qeydə alıblar.
Oxuməni.az xəbər verir ki, bu barədə çərşənbə axşamı Kyodo agentliyi məlumat yayıb.
Sinoptiklərin məlumatına görə, avqustun 27-dən bu ərazidə yağıntılar dayanmır; Buludlu havanın keçməsinə tayfunlar, uzunmüddətli payız yağışları və davamlı aşağı təzyiq kömək edir. Ən çox yağıntı sentyabrın 21-də qeydə alınıb - 156 mm. Ümumilikdə, bazar ertəsinə qədərki dövr ərzində 629 mm yağıntı düşüb - bütün sentyabr ayı üçün orta göstəricidən təxminən üç dəfə çox. Əvvəlki rekord - 33 gün - 2019-cu ildə, iyunun 27-dən iyulun 29-dək olan dövrə təsadüf edib.
Çərşənbə axşamı Yaponiyanın həm şərqində, həm də qərbində yağış davam edir. Onların, xüsusən də ölkənin şərqində, təxminən cümə axşamına qədər davam edəcəyi gözlənilir.
Əziz MUSTAFA
.jpg)
