Pentaqon rəhbəri: Ukrayna döyüşlərdə uğur qazanır, Rusiya isə uduzur

19 İyul 2023 11:32

Bəyəndim (0) Bəyənmədim (0)

"İndi biz hamımız Ukraynanın cəbhədə necə irəliləyiş əldə etdiyini, Rusiyanın isə uduzduğunu görürük".

Oxuməni.az xəbər verir ki, bunu Pentaqonun rəhbəri Lloyd Ostin mətbuat konfransında deyib.

“Rusiyanın itkiləri artmaqda davam edir. Ukrayna xalqı öz ölkəsi uğrunda döyüşərək görkəmli şücaət göstərdi. Bu gün biz Ukraynanı həlledici əks-hücum zamanı və uzunmüddətli perspektivdə dəstəkləmək öhdəliyimizi bir daha təsdiqlədik və indi daha yeni əraziləri azad etmək vaxtıdır”, - deyə Ostin bildirib.

O qeyd edib ki, Ukraynanın Müdafiəsi üzrə Virtual Təmas Qrupunun sonuncu iclasından sonra Ukraynanın cari ehtiyacları, o cümlədən onun sursata olan təcili ehtiyacı müzakirə edilib: “Həmçinin, onun tərkib hissəsi kimi həm milli, həm də çoxmillətli səviyyədə istehsalın artırılması planlarını müzakirə etdik və daha çox sursat istehsal etmək üçün Avropa İttifaqının mühüm təşəbbüsünü dəstəklədik”.

Əziz Salamoğlu