Qəzzada müharibə şiddətli mərhələyə qədəm qoyur

İsrail Müdafiə Qüvvələri Qəzza zolağında HƏMAS yaraqlıları ilə davam edən "şiddətli döyüşlər"in davam etdiyini, yəhudi dövlətinin hərbi hava qüvvələrinin son 24 saat ərzində 250-dən çox hədəfi vurduğunu bildirir, Haaretz və The Times of Israel xəbər verir.

Açıqlamaya görə, 7-ci Zirehli Briqada son vaxtlar İsrailin mərkəzinə edilən hücumlarda fəal şəkildə istifadə edilən iki reaktiv yaylım atəşi qurğusuna hücum edib.

Həmçinin bildirilir ki, İsrail Hərbi Hava Qüvvələrinin zərbələri HƏMAS və İslami Cihad yaraqlı qruplaşmalarına, eləcə də bu qruplaşmalara məxsus infrastruktura yönəlib.

İsrail Müdafiə Qüvvələrinin məlumatına görə, Kfir briqadası Qəzzanın şimalında bir məktəb yaxınlığında yerləşən HƏMAS yaraqlılarının bir qrupunu məhv edib. Əməliyyat zamanı həmçinin ərazidə tunel şaxtası və silahlar aşkar edilərək məhv edilib. Qəzzanın şimalında başqa bir məktəbdə əsgərlər silah tapıblar.

İsrail ordusu da iki əsgərinin öldüyünü bildirib. Baş serjant 23 yaşlı Yonatan Malka Qəzza zolağında gedən döyüşlərdə həlak olub. İsrailin cənubunda baş verən yol qəzası nəticəsində 98-ci diviziyanın daxili qoşun bölməsinin komandiri, 52 yaşlı leytenant Yoçay Qur Herşberq ölüb.

Oxuməni.az