Mark Zukerberq 100 milyon dollarlıq bunker tikir

«Meta» şirkətinin yaradıcısı Mark Zukerberq Havay adalarından birində 100 milyon dollarlıq bunker tikir. Bu sığınacaqda 30 yataq otağı və vanna otağı olacağı bildirilərkən, sığınacağın 5 min kvadratmetr olacağı qeyd edilib. Mark Zukerberqin Havaydakı nəhəng və sirli kompleksi ilə bağlı təəccüblü yeni detallar ortaya çıxıb.

Sığınacağında bir sıra qeyri-adi xüsusiyyətlərin, o cümlədən betonla doldurulmuş metal qapıların olduğu yeraltı bunkerin, kəndir körpülərlə birləşdirilmiş 11 ağac evinin və bəzi həddindən artıq təhlükəsizlik infrastrukturunun olduğu aşkar edilib.

Sızdırılan bina planlarına görə, Zukerberqin tikdiyi 100 milyon dollarlıq sığınacaqda ən azı 30 yataq otağı və 30 vanna otağı olacağı iddia edilir.

Əsas yaşayış binaları iki malikanədən ibarətdir ki, burada digər dəbdəbəli şəraitlə yanaşı, idman zalı, hovuzlar, sauna, isti vanna və tennis kortu yerləşəcək.

Bu, iki əsas iqamətgahın 5000 kvadrat metrlik yeraltı bunkerə aparan tunellə birləşdiriləcəyi göstərilir.

Həmçinin bildirilib ki, sığınacaqda yaşayış yerləri, mexaniki avadanlıqlar üçün otaqlar və xilasetmə lyuku olacaq. Əraziyə açılan qapı bomba sığınacaqlarında tapılanlara bənzəyəcək və betonla doldurulacaq.

Mənbə həmçinin bildiriblər ki, birləşmə 18 metr hündürlüyündə su çəni və nasos sistemi ilə özünü tam təmin edəcək.

Xatırladaq ki, Mark Zukerberq və ailəsi hazırda 6 metrlik daş divarlarla əhatə olunmuş 1400 hektar ərazidə yaşayır.

Oxuməni.az