Tramp ona qarşı sui-qəsd cəhdi ilə bağlı FTB-yə ifadə verəcək

ABŞ-ın keçmiş prezidenti Donald Tramp avqustun 1-də Pensilvaniyada ona qarşı sui-qəsd cəhdi ilə bağlı Federal Təhqiqatlar Bürosuna (FTB) ifadə verəcəyini təsdiqləyib. O, bu barədə Fox News-a müsahibəsində bildirib.

CNN daha əvvəl bildirmişdi ki, belə hallarda qurbanların ifadə verməsi normaldır, lakin departament qurbanı buna məcbur etməməlidir.

Telekanalın məlumatına görə, atəş açan şəxs cinayəti törətməzdən əvvəl dövlət liderlərinə qarşı səs-küylü cəhdlər barədə məlumatları öyrənib. FTB bildirib ki, silahlı şəxs 2023-cü ilin yazından bəri odlu silahlarla bağlı 25-dən çox onlayn alış-veriş edib, həmçinin əldəqayırma partlayıcı qurğular hazırlamaq üçün komponentlər alıb.

ABŞ-ın keçmiş prezidenti Donald Trampa sui-qəsd iyulun 13-də Pensilvaniyada keçirilən mitinqdə baş verib. Siyasətçiyə yaxınlıqdakı sənaye binasının damında olan gənc bir neçə dəfə atəş açıb. Tramp yüngül yaralanıb - güllələrdən biri onun qulağına dəyib. Hücum edən şəxs hadisə yerində öldürülüb.

Oxuməni.az