Dərman kimi təsir edən ədviyyatlar açıqlandı

Dərman kimi təsir edən ədviyyatlar açıqlandı

19 Dekabr 2019 12:37
Bəyəndim (1) Bəyənmədim (0)

Mətbəxdə istifadəsinə adət etdiyimiz ədviyyatların bir çoxu heç də dərmanlardan geri qalmır və insan sağlamlığına müsbət təsir göstərir. Oxumeni.az-ın məlumatına görə, bu barədə alman tibb işçiləri “Focus.de” portalına bildirib.

Qeyd olunan həmin 7 ədviyyatı təqdim edirik:

Anis və anis yağı. Bu ədviyyat yüngül mədə-bağırsaq spazmlarını və meteorizmi aradan qaldıra bilir. Bundan başqa, anis yuxarı tənəffüs yollarının yüngül xarakterli iltihabına qarşı kömək edir, öskürək zamanı bəlğəmgətirici təsir göstərir.

Zəncəfil. Tibb işçilərinin sözlərinə görə, ondan, məsələn, yırğalanmanın simptomlarını azaltmaq üçün və ya meterorizmlə müşahidə olunan yüngül spastik mədə-bağırsaq şikayətləri zamanı istifadə etmək olar.

Cirə və cirə yağı. Ədviyyat anti-spazmotik təsirə malikdir, həzmsizlik, meteorizm zamanı dərman kimi istifadə oluna bilər.

Sarıkök. O, öd istehsalını stimullaşdırılması və yağlı qidanın yaxşı həzm olunması üçün effektivdir.

Marjoram. Bu ədviyyat soyuqdəymə xəstəlikləri, mədə-bağırsaq şikayətləri (qarın köpü və meteorizm) və iştahsızlıq zamanı kömək edir.

Kəklikotu. Kəklikotulu çay ağız boşluğunda iltihaba meyillik, eləcə də ağızdan pis qoxu gəldiyi zaman məsləhət görülür.

Darçın. Bu ədviyyat mədə-bağırsaq traktında meteorizmlə müşahidə olunan yüngül qıcolmaya bənzər simptomları aradan qaldıra bilir.

© Materiallardan istifadə edərkən hiperlinklə istinad olunmalıdır

Oxumeni.az