RƏSUL RZA SÖZÜNÜN AHƏNGİ
Gül Maya Feyruzqızı
--
RƏSUL RZA SÖZÜNÜN AHƏNGİ
Göyçayın qoynundan
bir çay adlayır,
Səpir suları,
Rəsul Rza sözünün nəğməsini,
ahəngini, rəngini çöllərə.
Göyçay çinarları
göy üzün öpər,
budaqları gülümsəyər,
suların nəğməsinə.
Nar ağacının qoynunda
Gülöyşə narın
dodağı qaçır bu nəğmələrdən,
Susmuş torpağı,
Səssiz lal gecələri,
gətirdi dilə...
Basıb bağrına,
Bir ovuc Göyçay
torpağı bu nəğməni,
qoruyur öz yaddaşında.
Bir ovuc nəğmə ətri var,
Göyçay torpağında, daşında.
Rəsul Rza söz dünyasının
rəngləri bərq vurur,
qızıl piyalədə
misralarının ahəngi.
Göyçay çinarları
sözdən boylanar,
dan ulduzunun
ilk şəfəqi kimi.
Sözdən boylanır ucalığı,
Bu bir alın yazısı,
Göyçayın qoynundan
adlayıb keçən
çayın nəğməsi.
Rəsul Rza sözü
məhəbbət qoxulu,
ana laylası.
Düşüncəsini, duyğusunu,
çinarların ucalığını,
ömrünə səpib.
Ay işığının pıçıltısında,
Göyçay çayının suları
Rəsul Rza duyğuların
arzular qanadında,
ölümsüzlük kimi
misra-misra
könüllərdən-könüllərə səpir,
səslərdə gülür nəğmələr...
Həm sevilir, həm şadlanır...
Ürəklərdən asılıb,
Rəsul Rza sözünün ətri,
bələnib fərəhə, sevincə.
Külək vurur dalğalandırır,
dahinin söz ahəngini.
İlahidən gələn
sevinc payı ömrə
İşıq saça-saça,
Canından can bəxş eylədiyi,
sözdən Vətən adlı
qala hördü.
Misralar açdı çiçək,
Üstünə təbəssüm
düşdü.
Rəsul Rza əsil xalqın şairi,
sözünün ahəngində
dalğalanır üçrəngli bayraq.
Sancdı o bayrağı,
sözdən hördüyü
Vətən qalasına.
Əsil Vətəndaş oldu,
Rəsul Rza sözü səslədi
həzin-həzin xalqını
nurlu sabaha.
Düşüncə içində,
duyğu içində
addımbaaddım,
zamanı önlədi.
Üzü əbədiyyətə sarı yol gedir,
indi Rəsul Rza sözü.
SƏN AĞLAMA SALXIM SÖYÜD
Gəldim sükuta qərq
olmuş görüş yerimizə,
Sənsiz tənha
çiçək kimi bitmişdim,
salxım söyüd kölgəsində.
Məni qoynuna alıb
incə, qız barmağı kimi,
yarpaqları titrəyə-titrəyə,
məhəbbət ətirli xatirələri
həzin-həzin oxşadı.
Dili olsa, nələr söyləyərdi
salxım söyüd?
Rəssam kimi bu həsrəti
təsvir edə bilsəydi,
ürəyimdə üşüyən sevgimizin,
boynubükük ümidimin,
rəsmini yaradardı.
Titrəşən budaqların,
Dalğalanan saçlarının,
pıçıltısından gözü yaşlı
xatirələrim diksindi.
Yarpaqların arasından süzülən,
əlvan şəfəqlər də həsrət köynəyi geymiş
sevgi rəngindəydi.
Qayıt gəl, qayıt gəl,
Gəl ki, yenidən çalınsıın
ruhumuzun sevgi zəngi.
Bulaq kimi çağlar olsun,
duyğuların söz ahəngi.
Gəl ki, özünə qayıtsın
solan rəngli məhəbbətin,
Salxım söyüd yenə duysun
sevgimizin hərarətin.
Bu istəyin qədrin bilək,
Deməyək gəldi-gedərdi.
Ğül Mayanın bu İlahi eşqi,
Bu sevgi İlahi yazan bir əsərdi...
EŞQ QATİLİ
Mən eşqimin qatiliyəm,
Bir ömür həbs
olunmuşam,
Əbədi bir həsrətin ovcunda.
Bir yarpaq xatirənin
əlindən tutub, eşqimin
qatili kimi,
kövrək bir eşqin
məzarının üstündən,
keçib gedirəm.
Yanağımdan axıb gedən
göz yaşları isladır,
sinəmdəki hönkürtüləri.
Keçib gedirəm mən,
dəfin etdiyim eşqin üstündən,
Pıçıldayır ayağımın
altındakı torpaq.
Pıçıldayır içimdəki
xatirələr asta-asta,
Pıçıldayır qatil olmuş
əllərim, ürəyim, səbrim.
Sənə uzanan əlimdəki çiçəkləri,
Almadığın üçün öldü bu saf sevgi.
Qərib-qərib sənə sarı
boylanan o baxışları,
saya salmadığın üçün
öldü bu sevgi.
Çilikləndi töküldü,
torpaq üzünə bu sevgi.
Mən eşq qatiliyəm, İlahi!
Bir ömür həbs olunmuşam.
Əbədi bir həsrətin ovcunda.
GƏLƏNDƏ BAHAR
Durna qatarının
qanadlarında,
Açıb yelkənini gələndə bahar.
Zümrüd qayalara,
yala, yamaca,
Güllü örpəyini
sərəndə bahar.
Qəlbimdə dil açıb,
coşub, çağlasa,
Qaranquş qanadlı
kövrək arzular.
Arzular qonanda
gülə, çiçəyə,
Xallı kəpənəklər,
qon çəmən üstə.
Gəl məndə təbəssüm,
çağlı bir sevgi,
Könüllər oxşayan
məhəbbət üstə.
Ürək duyğulanır misralar üstə,
Yarpaqtək ələnir gözümün üstə.
SEYRİNƏ ÇIXAQ
Yer üzündə xəyanətlər,
Rahatlıq nə, bilmir hələ.
Şimşək kimi çaxır gedir,
İştahası boylananda.
Uçuq, sökük məzarlara,
Acgözlüklə baxıb gedir.
Tamahı gül açmayanda,
Gözlərinin qorasını,
Ovucuna sıxıb gedir,
Öz-özünə nifrət edir.
***
Ey ömrümün səcdəgahı,
Gəl çıx könlümün seyrinə.
Qalx həsrətin zirvəsinə,
Diqqətlə bax dan yerinə.
Günəş necə zühur edir,
Şəfəq saçıb gül becərir.
Zümrüd “Göy göl” sahilində,
Qönçə güldən çələng hörür.
Qüdrətiylə zəfər çalan,
Qarabağa müjdə verir.
Asimanı vahiməsiz,
Seyrə çıxıb, gəzmək üçün,
Bu zəfərə səcdə edir.
***
Yer üzündə xəyanətlər,
Rahatlıq nə, bilmir hələ,
Şimşək kimi çaxır gedir,
İştahası boylananda.
Uçuq, sökük məzarlara,
Acgözlüklə baxıb gedir.
Tamahı gül açmayanda,
Gözlərinin qorasını,
Ovucuna sıxıb gedir,
Öz-özünə nifrət edir.
Hazırladı İsa Rəvan