Aİ Baltik dənizindəki insidentlə əlaqədar “Rusiya Federasiyasının kölgə donanmasına” qarşı sanksiyalar tətbiq edəcək

Avropa İttifaqı Baltik dənizində baş verən insidentlə əlaqədar Rusiyanın “kölgə donanması” adlandırılan donanmasına qarşı yeni sanksiyalar tətbiq etmək niyyətindədir. Bu barədə Avropa Komissiyasının və Aİ diplomatiyasının rəhbəri Kay Kallasın bəyanatında deyilir.

"Şübhəli gəmi Rusiyanın hərbi büdcəsini maliyyələşdirərkən təhlükəsizliyi və ətraf mühiti təhdid edən Rusiyanın kölgə donanmasının bir hissəsidir. Biz bu donanmanı hədəf almaq üçün sanksiyalar da daxil olmaqla əlavə tədbirlər təklif edəcəyik" , - deyə o bəyan edib.

Bundan əlavə, Avropa İttifaqı Baltik dənizində baş vermiş insidentlə əlaqədar icmanın sualtı kabellərinin mühafizəsini gücləndirir. “Bu insidentlərə cavab olaraq, biz sualtı kabellərin mühafizəsi, o cümlədən təkmilləşdirilmiş məlumat mübadiləsi, yeni aşkarlama texnologiyaları, eləcə də sualtı təmir imkanları və beynəlxalq əməkdaşlıq səylərini artırırıq”, - deyə məlumatda bildirilir.

Sənəddə vurğulandığı kimi, Brüssel araşdırma ilə bağlı Finlandiya rəsmiləri ilə işləyir: “Biz Finlandiya, Estoniya və Almaniya ilə tam həmrəyik”.

Oxuməni.az