Ukraynaya quru qoşunlarının göndərilməsi hələ müzakirə olunmur

Almaniya kansleri Fridrix Merz bildirib ki, quru qoşunlarının göndərilməsi məsələsi hələlik aktual deyil.

Bu barədə RBC-Ukrayna onun ZDF-yə müsahibəsinə istinadən xəbər verir.

Kanslerin sözlərinə görə, hazırda atəşkəs olacağı təqdirdə təhlükəsizlik təminatları müzakirə olunur. Yalnız bundan sonra "çox şey" həyata keçirilə bilər

"Hazırda heç kim Ukraynada quru qoşunlarından danışmır", - Merz deyib.

“Gələn il atəşkəsə nail olacağına ümid edirmi?” sualına isə rəsmi belə cavab verib:

"Mən buna nail olacağımıza ümidimi itirməmişəm. Amma mənim də heç bir illüziyam yoxdur", - Almaniya kansleri deyib.

Yeri gəlmişkən, dünən Merz bildirib ki, Ukraynada müharibə hələ çox aylar davam edə bilər. Eyni zamanda, Ukraynanın tərəfdaşları genişmiqyaslı müharibə şəraitində ölkəyə yardımı davam etdirməyə hazırdır.

Xatırladaq ki, avqustun 16-na keçən gecə Alyaskada ABŞ prezidenti Donald Tramp və Kreml rəhbəri Vladimir Putin arasında sammit baş tutub. Görüşün əsas mövzusu Ukraynadakı müharibə, daha doğrusu, onun sonu olub.

Sammitdən sonra hər iki lider bir sıra bəyanatlarla çıxış ediblər. Xüsusilə Putin xatırladıb ki, Rusiya Federasiyası Ukraynanın da təhlükəsizlik təminatına malik olmalı olduğunu başa düşür.

Əziz Mustafa