12 il beynəlxalq axtarışda olan killer məhkəmə zalından azadlığa buraxılıb

6 May 2014 17:58

Bəyəndim (0) Bəyənmədim (0)

Bu gün Bakı Ağır Cinayətlər Məhkəməsində Azərbaycan hüquq-mühafizə orqanları tərəfindən 12 il beynəlxalq axtarışda olan Nadir Mehdiyevin cinayət işi üzrə məhkəmə prosesi başa çatıb.

Apa-nın məlumatına görə, prosesdə hökm oxunub. Hökmə əsasən, N.Mehdiyevin cinayət məsuliyyətinə cəlb olunma vaxtı keçdiyindən, barəsində cəza təyin edilməyib və məhkəmə zalından azadlığa buraxılıb.

Qeyd edək ki, N.Mehdiyev Qazaxıstanda həbs edilib. 45 yaşlı Mehdiyev Nadir Mikayıl oğlu 2001-ci ildən axtarışda olub. O, sifarişlə Ceyhun Şirinov adlı şəxsi qətlə yetirməkdə təqsirli bilinir. Bu barədə İnterpolun saytında da məlumat yerləşdirilib.

Azərbaycan Daxili İşlər Nazirliyi və Sumqayıt şəhər Polis İdarəsi əməkdaşlarının həyata keçirdiyi əməliyyat tədbirləri nəticəsində N.Mehdiyev Qazaxıstanın Astana şəhərində saxlanılıb. O, Cinayət Məcəlləsinin 120-ci (qəsdən adam öldürmə) maddəsinə əsasən ittiham edilib.

Mediainfo.az