Putin Zaporojye AES-i partlada bilər

Rusiya prezidenti Vladimir Putin öz sarsıntılı mövqeyini möhkəmləndirmək üçün Zaporojye AES-i partlatmağı əmr edə bilər.

Oxuməni.az xəbər verir ki, bu barədə “The Times”də gedən yazıda deyilir.

Materialın müəllifləri qeyd edirlər ki, Putin üçün tərəfdarlarının gözündə simasını xilas etmək vacibdir. Odur ki, Moskvanın heç bir uğur əldə edə bilmədiyi Ukraynaya qarşı müharibənin gedişi və Yevgeni Priqojinin başçılıq etdiyi PMC Vaqnerin üsyan cəhdi Kreml rəhbərini istənilən radikal hərəkətlərə sövq edə bilər.

“Bu, Putin rejimi üçün xoşagəlməz, eyni zamanda region üçün təhlükənin artdığı bir məqamdır. Belə vəziyyət Putini tez qələbələr ümidi ilə müharibəni gücləndirməyə şirnikləndirilə bilər.

Onlar qeyd ediblər ki, rus qoşunları artıq Kaxovskaya Su Elektrik Stansiyasını partladıblar, ona görə də “onların Zaporojye AES-ə də zərbə endirmək planının olması tamamilə mümkündür”.

Bu şübhələr rus işğalçılarının və zavod işçilərinin AES-dən tədricən çıxarılması ilə dəstəklənir.

Nəşrin müəllifləri qeyd edirlər ki, NATO-ya üzv ölkələr Rusiyanı ciddi şəkildə xəbərdar etməlidirlər ki, onlar Zaporojye Atom Elektrik Stansiyasında potensial fəlakətli nəticələrə səbəb olan təxribatı cavabsız qoymayacaqlar.

Əziz Salam