Bakıda “Paris evləri” tikilir

6 Sentyabr 2013 09:32

Bəyəndim (0) Bəyənmədim (0)

Böyük Britaniyanın "Atkins" şirkətinin işləyib hazırladığı "Bakı Ağ şəhər" şəhərsalma layihəsinə əsasən, Yaşıl Ada ərazisində fransız üslubunda 7 mərtəbəli "Paris evləri" yaşayış kompleksi inşa olunur.
"Bakı Ağ şəhər" layihəsinin mətbuat xidmətindən verilən məlumata görə, kompleks metronun "Xətai" stansiyasının yaxınlığında, Nobel və Babək prospektlərini birləşdirən Xəqani Rüstəmov küçəsində yerləşəcək.
Sakinlərin rahatlığı üçün kompleksin ərazisinin 70 faizi böyük və yaşıl həyət, köşklər və uşaq oyunları meydançası üçün ayrılıb. Burada, həmçinin beynəlxalq standartlara uyğun 71 yeraltı və 55 yerüstü avtomobil dayanacağı inşa ediləcək.

O.M.