İslandiyanın cənub-qərbində güclü zəlzələlərdən sonra vulkan püskürüb

İslandiyanın cənub-qərbindəki Reykjanes yarımadasında silsilə güclü zəlzələlərdən sonra vulkan püskürüb. Bu barədə BBC yazır.

Bundan əvvəl Qrindavik balıqçı qəsəbəsindən 4 minə yaxın insan təxliyə edilib və yaxınlıqdakı Blue Lagoon geotermal kurortu bağlanıb.

İslandiya Meteorologiya İdarəsindən verilən məlumata görə, püskürmə Qrindavikdən 4 km şimal-şərqdə yerli vaxtla saat 22:17-də başlayıb və seysmik aktivliyin şəhərə doğru irəlilədiyini bildirib.

Vulkandakı çatın uzunluğu təqribən 3,5 km-dir, lava saniyədə təxminən 100-200 kubmetr sürətlə axır, departament əlavə edib.

İslandiya Meteorologiya İdarəsi qeyd edir ki, bu, son illərdə Reykjanes yarımadasında baş vermiş əvvəlki püskürmələrdən dəfələrlə çoxdur.

Oktyabrın sonundan etibarən paytaxt Reykyavik ətrafında seysmik aktivlik artıb və orada minlərlə təkan qeydə alınıb.

Sosial şəbəkələrdə yayılan foto və videolarda vulkandan lavanın qopduğu əks olunub. Bundan bir saat əvvəl ərazidə silsilə zəlzələlər və ya seysmik sürü deyilən zəlzələ qeydə alınıb.

İslandiya Meteorologiya İdarəsi bildirib ki, püskürmənin dəqiq yerini və ölçüsünü təsdiqləmək üçün əraziyə sahil mühafizə helikopteri göndərilib.

Püskürməni Grindavikdən təxminən 42 km şimal-şərqdə yerləşən Reykyavikdən müşahidə etmək olar.

Şəhərdəki bir hadisə şahidi BBC-yə deyib ki, Grindavik istiqamətində səmanın yarısı qırmızıdır, tüstülər havaya qalxır və polis insanlardan ərazidən uzaq durmağı xahiş edir.

Prezident Qudni Yohannesson qeyd edib ki, əsas prioritet insanların həyatını qorumaqdır, lakin binaların qorunması üçün hər cür səy göstəriləcək.

2010-cu ilin aprelində Eyjafjallajökull vulkanı püskürdü və bu, böyük kül buluduna görə İkinci Dünya Müharibəsindən bəri Avropa hava məkanının ən böyük bağlanmasına səbəb oldu.

Zərərlər 1,5-2,5 milyard avro dəyərində qiymətləndirilib.

Oxuməni.az