Güclü yanğın kurort zonasında həyatı iflic edib

Novorossiysk yaxınlığında güclü yanğın davam edir.

Fövqəladə Hallar Nazirliyi səhər saatlarında Novorossiysk yaxınlığındakı yanğını söndürmək üçün iki K-32 helikopteri və bir İl-76 təyyarəsi cəlb edəcək. Bu barədə Krasnodar vilayətinin operativ qərargahı öz Telegram kanalında məlumat yayıb.

Bundan əvvəl Ka-32 və Mi-8 helikopterlərindən istifadə edilib. Əməliyyat qərargahından bildirilib ki, güclü külək səbəbindən Mi-8-in fəaliyyətinin dayandırılması qərara alınıb.

Hazırda yanğının söndürülməsində 250-dən çox insan iştirak edir.

İyulun 14-də Abrau-Durso kurort kəndində güclü yanğın baş verib. SHOT Telegram kanalının verdiyi məlumata görə, “Mavi dalğa” turizm bazasının ərazisində 15 ev və bir neçə avtomobil yanıb. Novorossiysk ərazisində fövqəladə vəziyyət rejimi tətbiq edilib. Yanğınla əlaqədar 500 nəfər təxliyə edilib. Fövqəladə Hallar Nazirliyinin Krasnodar diyarı üzrə baş idarəsi yanğının yayıldığı Durso ferması ərazisində məskunlaşan ərazilər üçün təhlükə olmadığını bildirib.

Son məlumata görə, Novorossiysk yaxınlığındakı yanğın “Moryak”, “Romantic”, “Frigate” istirahət mərkəzlərinə keçib.

Daxili İşlər Nazirliyi Novorossiysk yaxınlığında baş verən yanğınla bağlı cinayət işi açıb.

Oxuməni.az