![Odessa vilayətində 3 hərbi maşın yandırılıb](http://oxumeni.az/images/2024/07/19/19-16.jpg)
Odessa vilayətində 3 hərbi maşın yandırılıb
Odessa vilayətində gecə saatlarında 3 hərbi maşın yandırılıb. Bu barədə “Strana.ua” nəşri məlumat yayıb.
Odessada təxminən saat 22:40 radələrində birinci avtomobil yandırılıb, Kia markalı avtomobilə ziyan dəyib. Zərər yoxdur. Radujnı yaşayış massivi yaxınlığındakı Liman kəndində daha iki avtomobil yandırılıb.
“Hərbçilərə məxsus “Nissan Navara” və “Renault Master” markalı iki avtomobil dərhal yandırılıb”, - məlumatda deyilir.
Ukrayna hərbçilərinin maşınlarına ölkə ərazisində hücum ilk dəfə deyil.
Bir gün əvvəl Odessada Ukrayna Silahlı Qüvvələrinin əsgərlərinə məxsus 5 avtomobilin yandırıldığı bildirilmişdi. Təqdim olunan görüntülərdə yanğınsöndürmə qrupu yanan avtomobili söndürməyə çalışır.
Ukrayna mediası daha əvvəl də ölkənin digər şəhərlərində də oxşar hadisələrin baş verdiyi barədə məlumat vermişdi. Vinnitsa, Dnepr, Rivne və Xarkovda yanğınlar qeydə alınıb. Ümumilikdə 10 Ukrayna hərbi maşını yandırılıb.
Bundan əvvəl Ukraynanın İvano-Frankovsk vilayətində hərbi maşın yandırılıb.
Bundan əvvəl Ukraynada kənd sakinləri hərbi komissarlara gedən yolu bağlayıblar.
Oxuməni.az