Soyuq Müharibənin ən məşhur casuslarından biri olan Ana Montes azadlığa buraxılıb

Soyuq Müharibənin ən məşhur casuslarından biri olan Ana Montes azadlığa buraxılıb.

Oxuməni.az xəbər verir ki, ABŞ-da Soyuq Müharibənin ən məşhur casuslarından biri olan Ana Montes 20 ildən çox həbsxanadan sonra azadlığa buraxılıb.

Hazırda 65 yaşlı Montes, Pentaqonun kəşfiyyat idarəsində analitik işləyib və Kubaya casusluq edib.

2001-ci ildə həbs olunduqdan sonra ABŞ rəsmiləri onun ABŞ kəşfiyyatının adadakı əməliyyatlarını demək olar ki, hamısını ifşa etdiyini iddia edirlər.

Onlardan birinə görə, Montes Amerika kəşfiyyat orqanları tərəfindən indiyə qədər saxlanılan ən təhlükəli agentlərdən biri olub, ABŞ-a böyük ziyan vurub.

Prezident Corc Buş dövründə əks-kəşfiyyatın keçmiş rəhbəri Mişel Van Kliv 2012-ci ildə Konqresdə demişdi ki, Montes Amerika agentlərinin adadakı bütün fəaliyyətlərini ifşa edib.

"Kubalılar bizim onlar haqqında bildiyimiz hər şeyi yaxşı bilirdilər və bundan öz xeyirlərinə istifadə ediblər. Bundan əlavə, o, həmkarları ilə söhbətlərində Kubadakı vəziyyətin qiymətləndirilməsinə təsir göstərə bilib və eyni zamanda onda olan məlumatları digər ölkələrədə məlumat verə biib”, - Van Kliv bildirib.

Montez həbs edildikdən sonra o, dörd Amerika kəşfiyyatçısının şəxsiyyətini və çoxlu sayda məxfi materialı açıqlamaqda ittiham olunurdu. O, 25 il müddətinə azadlıqdan məhrum edilib. Hakim hökm çıxararkən bildirib ki, onun hərəkətləri bütün Amerika xalqının təhlükəsizliyinə təhlükə yaradıb.

Soyuq Müharibənin bir çox digər məşhur casuslarından fərqli olaraq, Ana Montes şəxsi mənfəətlə deyil, ideoloji mülahizələrdən irəli gəlirdi. Ronald Reyqan administrasiyasının Latın Amerikasında fəaliyyəti onun xoşuna gəlmirdi və bir çox cəhətdən onu Kuba kəşfiyyatı ilə əməkdaşlığa sövq edən də məhz bu idi.

ABŞ Müdafiə Nazirliyinin Baş Müfəttişinin hesabatında Montesin Nikaraquada müharibə cinayətləri və digər vəhşiliklər törətməkdə şübhəli bilinən sağçı üsyançı qrup Contras-a Amerikanın dəstəyindən qəzəbləndiyi bildirilir.

Hesabatda 1984-cü ildə Cons Hopkins Universitetində tələbə yoldaşının onu Kuba kəşfiyyatının agenti ilə tanış edib və o çəkinmədən Nikaraquaya kömək etmək üçün kubalılara işləməyə razı olduğunu bildirib.

Növbəti il ​​Montes, casus kimi təlim keçmək üçün Havanaya gedir və sonra Müdafiə nazirliyinin Kəşfiyyat Agentliyinə işə düzəlir. Sonra o, çox keçmədən agentliyin Kuba üzrə baş analitiki vəzifəsində çalışır.

İyirmi il ərzində o, Vaşinqtonun restoranlarında bir neçə həftədən bir Kuba kuratorları ilə görüşür və onlara çox məxfi məlumatlar ötürürdü. Ona yeni tapşırıqları qısa dalğalarda yayımlanan radio verilişləri ilə verirdilər.

2001-ci ilin sentyabrında ABŞ kəşfiyyatçıları hökumət işçilərindən birinin Kubaya casusluq etdiyi barədə məlumat alırlar. Hələ həmin ayda o həbs olunur.

Azadlığa çıxandan sonra Montes beş il nəzarət altında olacaq. Onun hökumətdə işləməsi və ya icazəsiz xarici agentlərlə əlaqə saxlaması da qadağandır. Bununla belə, FTB hesab edir ki, onun kubalı idarəçiləri ilə əlaqələri bərpa etmək ehtimalı azdır.

Montesi həbs edən agentlərdən biri olan Pete Lapp deyib: "Onun həyatının bu hissəsi onun arxasındadır. Onun azadlığını riskə atmaq ehtimalı yoxdur".

E. Axund, Oxuməni.az