Fondun Müşahidə Şurasının iclası keçirilib

28 Dekabr 2018 18:28

Bəyəndim (0) Bəyənmədim (0)

Dekabrın 28-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının növbəti iclası keçirilib.

Mediainfo.az-ın verdiyi xəbərə görə, Fondun Müşahidə Şurasının sədr müavini İlqar Hüseynov iclası açıq elan edərək gündəlikdəki məsələlər barədə məlumat verib.

1. Fondun 2019-cu ilin I rübündə KİV layihələrinin maliyyələşdirilməsi ilə bağlı elan etdiyi müsabiqəyə təqdim edilmiş layihə təkliflərinin müzakirəsi və təsdiqi;

2. Cari məsələlər.

Fondun Müşahidə Şurasının sədr müavini İlqar Hüseynov gündəlikdəki birinci məsələ barədə məlumat vermək üçün sözü Fondun icraçı direktoru Vüqar Səfərliyə verib. Müzakirəyə çıxarılan məsələ barədə ətraflı məlumat verən V.Səfərli "Azərbaycan Respublikasında kütləvi informasiya vasitələrinin inkişafına dövlət dəstəyi Konsepsiyası"na müvafiq olaraq 32 qəzetin müsabiqəyə sənəd təqdim etdiklərini diqqətə çatdırıb. Həmin qəzetlərin layihələrinin 2018-ci ilin II yarısında da Fond tərəfindən maliyyələşdirildiyini deyən icraçı direktor müsabiqədə yeni iştirak edən KİV-lərin olmadığını bildirib. İcraçı direktor qeyd edib ki, müvafiq araşdırmalardan sonra sənəd təqdim etmiş 32 qəzetin layihə təkliflərinin müsabiqənin şərtlərinə cavab verdiyi müəyyən edilib.

Sonra qəzetlərdən daxil olmuş sənədlər Müşahidə Şurasının üzvlərinə paylanılıb və məsələ ətrafında müzakirələr başlayıb. Fondun Müşahidə Şurasının sədr müavini İlqar Hüseynov, üzvlərdən Ramiz Əskər, Bəhruz Quliyev, Rasim Həsənov, İntiqam Hümbətov və Ayaz Mirzəyev Fondun maliyyə yardımlarının qəzetlərin maddi-texniki bazasının möhkəmləndirilməsi baxımından əhəmiyyətini qeyd ediblər.

Müzakirələrin sonunda 32 qəzetin sənədlərinin müsabiqənin şərtlərinə cavab verdiyi nəzərə alınaraq, onlara 2019-cu ilin birinci rübü üzrə maliyyə yardımının ayrılması barədə qərar qəbul edilib (Maliyyə yardımı ayrılmış qəzetlərin siyahısı aşağıdakı cədvəldə təqdim olunur).

Cari məsələlərin müzakirəsi zamanı icraçı direktor V.Səfərli Fondun yaxın dövr üçün fəaliyyət istiqamətləri barədə məlumat verib.

2019-cu ilin I rübü üzrə layihələri maliyyələşdirilən qəzetlər və ayrılmış maliyyə vəsaiti

№	Qəzetlər	Təklif olunan məbləğ
1.	"Kaspi" qəzeti	30 000
2.	"Yeni Azərbaycan" qəzeti	30 000
3.	"Səs" qəzeti	30 000
4.	"Mövqe" qəzeti	30 000
5.	"Ədalət" qəzeti	30 000
6.	"525-ci qəzet"	30 000
7.	"Bakı-Xəbər" qəzeti	30 000
8.	"Yeni Müsavat" qəzeti	30 000
9.	"Kaspiy" qəzeti	30 000
10.	"Ekspress" qəzeti	30 000
11.	"Palitra" qəzeti	30 000
12.	"Paralel" qəzeti	20 000
13.	"Həftə içi" qəzeti	20 000
14.	"Azad Azərbaycan" qəzeti	20 000
15.	"Şərq" qəzeti	20 000
16.	"Xalq Cəbhəsi" qəzeti	20 000
17.	"Futbol+Qol" qəzeti	20 000
18.	"Bizim Yol" qəzeti	20 000
19.	"Olaylar" qəzeti	20 000
20.	"Novoye Vremya" qəzeti	15 000
21.	"Futbol+" qəzeti	15 000
22.	"Üç Nöqtə" qəzeti	15 000
23.	"Azernews" qəzeti	15 000
24.	"Unikal" qəzeti	10 000
25.	"Olimpiya Dünyası"qəzeti	10 000
26.	"Oxu məni" qəzeti	10 000
27.	"Hürriyyət" qəzeti	10 000
28.	"Reytinq" qəzeti	4500
29.	"The Business Times" qəzeti	4500
30.	"Hərbi And" qəzeti	4500
31.	"Türküstan" qəzeti	4500
32.	"İqtisadiyyat" qəzeti	4500
CƏMİ	32 Redaksiya	612500