BMT məhkəməsi: İsrail Qəzzaya yardımı artırmalıdır

İsrail Qəzza zolağına humanitar yardımın çatdırılmasını təmin etmək üçün lazımi tədbirlər görməlidir. Bu qərarı BMT-nin Beynəlxalq Ədalət Məhkəməsi qəbul edib. Hökmdə deyilir ki, hərbçilər Fələstin anklavına ərzaq, su və yanacağın çatdırılmasına mane olacaq hərəkətlər etməməlidirlər.

Bu arada, ABŞ və İsrail , İsrail ordusunun Rəfahda mümkün əməliyyatı ilə bağlı yeni danışıqlar aparmağa razılaşıb. Bir müddət əvvəl Birləşmiş Ştatların BMT Təhlükəsizlik Şurasının Qəzzada atəşkəs tələbi ilə bağlı qətnaməsinə veto qoymamasından sonra baş nazir Benyamin Netanyahu nümayəndə heyətinin Vaşinqtona səfərini ləğv etmişdi.
Livan-İsrail sərhədində gərginliyin artması fonunda İtaliyanın baş naziri Corcia Meloni Beyruta qısa səfər edib. O, BMT-nin Livandakı Müvəqqəti Qüvvələrinin tərkibində olan İtaliya batalyonunun əsgərləri ilə görüşüb, livanlı həmkarı Nəcib Mikati ilə danışıqlar aparıb. Sonuncu bildirib ki, İsrail Livanın suverenliyinə qəsd etməyi və Livan ərazisinə hücumları dayandırmalıdır.

Oxuməni.az