Qazaxıstan və Monqolustan Rusiyadan keçən yeni magistral yol çəkməyi planlaşdırır

Qazaxıstanın Nəqliyyat Nazirliyi Monqolustan və Qazaxıstanın iki ölkə arasında Rusiya ərazisindən keçən yeni avtomobil yolunun tikintisini planlaşdırdıqlarını bildirib.

Marşrut Qazaxıstanın Ust-Kamenoqorsk və Ridder şəhərlərini, eləcə də Rusiyanın Altay Respublikasının Tuekta qəsəbəsini birləşdirəcək və Monqolustanla sərhədə çatacaq.

“Marşrutun Ust-Kamenoqorskdan Rusiya ilə sərhədə qədər olan 189 kilometr uzunluğunda Qazaxıstan hissəsi artıq tikilib. Marşrutun böyük hissəsi Rusiya ərazisindən keçəcək və Rusiya hakimiyyəti layihənin həyata keçirilməsinə razılıq verərsə, ümumi uzunluq 837 kilometrə qədər artacaq”, - nazirlikdən bildiriblər.

Ust-Kamenoqorskdan Rubtsovsk, daha sonra Barnaul, Tuekta və Monqolustanla sərhədə qədər mövcud olan yolun uzunluğu 1604 km-dir.

“Yeni yolun səyahət vaxtını əhəmiyyətli dərəcədə azaldacağı, Qazaxıstan və Monqolustan arasında nəqliyyat əlaqələrini yaxşılaşdıracağı, iqtisadi və mədəni əlaqələri gücləndirəcəyi gözlənilir”, - nazirlik bildirib.

Oxuməni.az