Makron Netanyahunu atəşkəslə razılaşmağa çağırıb

Fransa prezidenti Emmanuel Makron İsrailin baş naziri Benyamin Netanyahu ilə telefon danışığı aparıb. O, onu Həmas və Hizbullah liderlərinə qarşı hücumları dayandırmağa çağırıb.

Bu barədə The Washington Post xəbər verir.

Yelisey Sarayının stenoqramına görə, Makron Netanyahuya “Silah tədarükü, Qəzzada müharibənin davam etdirilməsi və onun Livana yayılması israillilərin və bölgədəki hər kəsin gözlədiyi təhlükəsizliyi təmin edə bilməz” dedi.

O əlavə edib ki, İsrailin və bütün Yaxın Şərqin təhlükəsizliyi üçün zəruri olan siyasi həll yollarını hazırlamaq üçün dərhal qətiyyətli səylər göstərilməlidir.

Makron həmçinin İsrailin özünümüdafiə hüququna malik olduğu iddiasını təkrarlayıb və ona qarşı hücumların dayandırılmalı olduğunu bildirib.

Netanyahunun ofisindən verilən xəbərə görə, İsrailin baş naziri Fransa prezidentinə deyib ki, onun müttəfiqi İsrailin Hizbullah, Həmas və onların ən böyük dəstəkçisi (ehtimal ki, İran) ilə mübarizəsini dəstəkləməlidir.

"İsrailin dostlarının bunu dəstəkləməsi və İranın şər oxunu gücləndirəcək məhdudiyyətlər tətbiq etməməsi gözlənilir", - Netanyahu bildirib.

Oxuməni.az