ABŞ ballistik raketləri dəf etmək üçün “THAAD” sistemini İsrailə təhvil verəcək

Birləşmiş Ştatlar bölgədə gərginliyin artması fonunda İrandan potensial ballistik raket hücumunu dəf etmək üçün “THAAD” (Terminal High Altitude Area Defence) yüksək hündürlükdən tutma raketdən müdafiə sistemini dərhal İsrailə təhvil verəcək,bu barədə “Ynet” xəbər portalı xəbər verir.

Oktyabrın 1-də axşam saatlarında İran Fələstinin radikal “HƏMAS” hərəkatı, Livanın şiə təşkilatı “Hizbullah” və İran İslam İnqilabı Keşikçiləri Korpusunun (Silahlı Qüvvələrin elit bölmələri) liderliyində olan əsas şəxslərin öldürülməsinə cavab olaraq İsrail ərazisinə kütləvi raket zərbələri endirib. Tehran bildirib ki, raketlərin 90%-i nəzərdə tutulan hədəfləri uğurla vurub, lakin İsrail deyir ki, İran 180-ə yaxın raket atıb və onların əksəriyyəti ələ keçirilib.

Oktyabrın 9-da müdafiə naziri Yoav Qalant xəbərdarlıq edib ki, İsrail İranın raket hücumuna o qədər “ölümcül və gözlənilməz” zərbə ilə cavab vermək planlarından əl çəkmir ki, iranlıların heç nə başa düşməyə vaxtı olmayacaq.

Almaz Həsənli