Netanyahu Qəzzaya humanitar yardımın çatdırılmasını dayandırmaq istəyir

14 Oktyabr 16:10

Bəyəndim (0) Bəyənmədim (0)

İsrailin baş naziri Benyamin Netanyahu Qəzzanın şimalına humanitar yardımın nəqlini dayandırmaq planını nəzərdən keçirir.

Bu barədə “Politico” məlumat yayıb.

Nəşr yazır ki, bu plan həyata keçərsə, evlərini tərk etmək istəməyən və ya çıxa bilməyən yüz minlərlə fələstinli yeməksiz və susuz qala bilər. O, həmçinin fələstinlilərə Qəzzanın üçdə birini (Qəzza şəhəri də daxil olmaqla) qapalı hərbi zona elan edilməmişdən əvvəl tərk etmələri üçün bir həftə vaxt verərək təzyiqi artıracaq.

Qalanlar döyüşçü sayılacaq, yəni hərbi qaydalar qoşunlara onları öldürməyə imkan verəcək və bundan əlavə, insanlar yemək, su, dərman və yanacaqdan məhrum olacaqlar.

Bu plan Netanyahuya və İsrail parlamentinə bir qrup istefada olan generallar tərəfindən təklif edilib. Onun baş memarı iddia edir ki, bu, Qəzzanın şimalında Həmas-ı sındırmaq və qalan girovları azad etmək üçün təzyiq göstərmək üçün yeganə yoldur.

Oxuməni.az