Moldovada seçkilərdə Sandu öndədir, referendumda fərq azalır

Moldovada prezident seçkilərində səsvermə və Avropaya inteqrasiya ilə bağlı konstitusiya referendumuna dair protokolların işlənməsi başa çatır. Hazırkı dövlət başçısı Maia Sandu səslərin əksəriyyətini qazansa da, referendumun nəticəsini hələlik proqnozlaşdırmaq mümkün deyil.

Bu barədə Moldova Respublikası Mərkəzi Seçki Komissiyası xəbər verir.

İndiyədək Moldovada oktyabrın 20-də bazar günü keçirilən prezident seçkiləri ilə bağlı 2219 protokoldan 2108-i artıq işlənib. Bu, tam olaraq 95% təşkil edir.

Beləliklə, Sandu 39,85% (562 140) səs toplayır, onun seçkilərdə əsas rəqibi rusiyayönlü siyasətçi Aleksandr Stoyanoqlodur - 27,71% (388 801). “Bizim partiyanın” lideri Renato Usatii isə 13,74% (193865) səs toplayıb.

Eyni zamanda, referendumla bağlı Moldovanın Avropaya inteqrasiyasının “lehinə” və “əleyhinə” arasında uçurum son bir neçə saatda azalır. Bu onunla bağlıdır ki, böyük əksəriyyətin avrointeqrasiya tərəfdarı olduğu xarici ərazilər aktiv şəkildə hesablanmağa başlayıb.

Oxuməni.az