İsrail ordusu BMT-nin Livandakı sülhməramlı bazasına zərbə endirib

İsrail Müdafiə Qüvvələrinin buldozeri ölkənin cənubundakı Marvahin kəndində BMT-nin Livandakı Sülhməramlı Qüvvələrinin (UNIFIL) yerləşdiyi müşahidə qülləsini və perimetr hasarını məhv edib.

Bu barədə BMT-nin saytında UNIFIL-in bəyanatında deyilir.

“Biz bir daha İDF-yə və bütün iştirakçılara BMT personalının və əmlakının təhlükəsizliyini təmin etmək, BMT binalarının müqəddəsliyinə hər zaman hörmət etmək öhdəliklərini xatırladırıq”, - missiya qeyd edib.

UNIFIL həmçinin xatırladıb ki, BMT obyektinə hücum və onun əmlakına ziyan vurulması beynəlxalq hüququn və Təhlükəsizlik Şurasının 1701 saylı qətnaməsinin kobud şəkildə pozulmasıdır.

Sənəd yekdilliklə qəbul edilib və 2006-cı ildə İsrail və Hizbullah arasında müharibəyə son qoymaq və İsrail ilə Livan sərhədində təhlükəsizliyə gedən yolları müəyyənləşdirmək məqsədi daşıyır.

Bəyanatda həmçinin qeyd olunur ki, İsrail ordusu dəfələrlə UNIFIL-dən Mavi Xətt boyunca mövqelərini boşaltmağı xahiş edib və BMT-nin mövqelərinə qəsdən zərər vurub.

Oxuməni.az