Amerikanın F-35 qırıcısı Alyaskada qəzaya uğrayıb

29 Yanvar 09:03

Bəyəndim (1) Bəyənmədim (0)

Amerikanın F-35 qırıcısı Alyaska ştatında qəzaya uğrayıb, Anchorage Daily News xəbər verir. Təyyarədə yaranan ciddi nasazlıq qəza vəziyyətini qaçılmaz etmişdi. Bunu görən pilot vəziyyəti düzgün qiymətləndirib və təyyarəni Eielson Hərbi Hava Qüvvələri bazasının uçuş-enmə zolağına endirə bilib.

"Pilot ciddi xəsarət almayıb və müayinə üçün Bassett Hərbi Xəstəxanasına aparılıb", - 354-cü aviapolkunun ictimaiyyətlə əlaqələr idarəsinin açıqlamasında deyilir.

Aviasiya bazası komandanlığı qəzanın səbəblərini müəyyən etmək və gələcəkdə oxşar insidentlərin baş vermə riskini minimuma endirmək üçün araşdırmaya başlandığını elan edib. F-35 beşinci nəsil səsdən sürətli qırıcıdır. Bir təyyarənin qiyməti 81 milyon dollardır.

Əziz Mustafa, Oxuməni.az