Tramp və Putin Rusiyadakı vəba xəstəliyini müzakirə edəcəklər

ABŞ prezidenti Donald Tramp və Rusiya diktatoru Vladimir Putin tezliklə telefon danışığı aparacaqlar. Onlar Rusiyanın İrkutsk bölgəsində mümkün pnevmonik vəba hadisəsini müzakirə edəcəklər.

Oxuməni.az xəbər verir ki, bu barədə Associated Press məlumat yayıb. Amerika liderinin sözlərinə görə, o, Kreml rejiminin rəhbəri ilə "çox yaxında" danışacaq. Eyni zamanda, jurnalistlərin ABŞ kəşfiyyatının qiymətləndirmələri ilə bağlı sualına Tramp cavab verib ki, ABŞ bu məsələ ilə bağlı "çox dərin müzakirələr" aparır. Məlum olduğu kimi, Tramp əvvəllər ABŞ-ın Rusiyaya kömək etməyə hazır olduğunu bildirmiş və vəba xəstəliyinin patogenləri "ordudan daha güclü hala gəlmiş" "ciddi xəstəlik" adlandırmışdı.

Ümumdünya Səhiyyə Təşkilatı xəstəliyin Rusiyadan kənara yayılması riskini "çox aşağı" kimi qiymətləndirmişdi. Təşkilat Rusiya hakimiyyəti ilə əlaqə saxladığını bildirmişdi. Rəsmi olaraq, Rusiyada Vəba Əleyhinə İnstitutun əməkdaşının ölümü hələ də naməlum mənşəli pnevmoniya ilə əlaqələndirilir.

Xatırladaq ki, vəba hadisəsi oktyabrın əvvəlində baş vermişdi. 2 oktyabr gecəsi İrkutsk Vəba Əleyhinə İnstitutunun 28 yaşlı laboratoriya texniki Şelexovdakı xəstəxanada vəfat etmişdi. Yerli medianın məlumatına görə, o, bir həftə əvvəl pnevmonik vəba patogenini ehtiva edən sınaq borusunu sındırmışdı. Onunla təmasda olan təxminən 200 nəfər təcrid olunmuşdu.

Rusiya rəsmilərinin məsələnin üstünü ört-basdır etməsi cəhdini baxmayaraq artıq məlum olub ki, əslində İrkutsk Vəba Əleyhinə İnstitutda dünyanı məhv etmək üçün dəhşətli bioloji qırğın silahı hazırlanır.

Əziz MUSTAFA