Konqonun sərhədi Ruanda qoşunları tərəfindən pozulub

Konqo Demokratik Respublikasının Silahlı Qüvvələri (DRC Silahlı Qüvvələri) Ruanda ordusunun ölkə sərhədlərini pozması barədə məlumat yayıb.

Oxuməni.az xəbər verir ki, bu barədə Reuters-in yaydığı məlumatda deyilir.

Konqo tərəfinin fikrincə, qonşu ölkənin ordusu qonşu dövlətin “ərazi bütövlüyünü pozmaq” və sabitliyi pozmaq cəhdlərini davam etdirmək niyyətindədir.

“Sərhədlərin qorunmasına cavabdeh olan və hadisə yerinə göndərilən DRC Silahlı Qüvvələrinin bölmələri Ruanda ordusunun hücumuna məruz qalıb. Daha sonra DRC Silahlı Qüvvələri qəbuledilməz təxribat törədən Ruanda terrorçularına qarşılıq verib və sonra öz ölkələrinə geri çəkilib”, - deyə kommünikedə bildirilir.

2022-ci ilin mart ayında Konqo hökuməti Ruanda silahlı qüvvələrini Konqo hökuməti ilə döyüşən qarşıdurmada olan 23 Mart Hərəkatı (M23) üsyançılarına dəstək verməkdə günahlandırdı. BMT-nin məlumatına görə, Ruanda qoşunları Konqonun şərq hissəsində M23 ilə birlikdə döyüşüb, həmçinin üsyançıları silahla təmin edib.

M23 Konqodakı Tutsi etnik azlığının maraqlarını təmsil edir. M23 liderləri Konqo hökumətinin 23 mart 2009-cu il sülh sazişləri üzrə öhdəliklərini yerinə yetirməsindən narazıdırlar. 2022-ci ilin oktyabr ayının əvvəlindən Konqo ordusu ilə M23-dən olan üsyançılar arasında döyüşlər yenidən başlayıb. Mayın 28-də DRC hökuməti M23-ü terror qruplaşması kimi təyin etdi.

Əziz Mustafa