11 yaşlı uşaq gün-gündən daşlaşır

Hindistanda qəribə bir uşaq dünyaya gəlib.

Nar Kumari yeni doğulmuş körpəsini qucağına aldıqda digərlərindən heç nə ilə fərqlənməyib. Lakin zaman-zaman uşağın dərisi soyulmağa, əvəzində isə qalın qara rəngli qat yaranmağa başlayıb. Balaca Rameş elə o gündən sancılı şəkildə dərisinin yenilənməsi ilə yaşayıb.

Daha dəqiq desək, Rameş dəri xəstəliyi ilə əlaqədar daşdan heykələ dönməkdədir. Səhhətindəki problem onun gəzməsinə və danışmasına da mane olub. Onun xarici görünüşü ətrafındakıları qorxuya saldığından heç bir dostu olmayıb. 11 il əzab-əziyyət içində olan anası Nar və atası Nardan uşağın müalicəsinin yollarını axtarmaqdan yorulublar.

Nardan:

- Uşağım anadan olandan 15 gün sonra dərisi öz-özünə soyuldu və bu dərini qalın qat əvəzlədi. Zaman keçdikcə daha da sərtləşdi və qara rəngə döndü. Nə edəcəyimizi bilmədik və heç kim bizə kömək etmədi. O, danışmayıb. Sadəcə ac olanda və tualet ehtiyacı olanda fikrini ifadə edə bilir. 6 yaşından isə gəzmir. Rameş günün çox vaxtını ağlayır. Ağrıları ona əziyyət verir. ona görə də tək qalır gün boyu...

Ailənin yaşadığı Nepalın mərkəzindən aralıda yerləşən Baqlunqdakı xəstəxananın həkimləri dəhşət içində olublar Rameşi ilk görən anda. Onun xəstəliyinə "göbələk infeksiyası" adını qoyublar. Elmi cəhətdən heç bir müdaxilə edə bilməyəcəklərini söyləyib, ailəni geri çeviriblər.

Rameşin anası Nan 26 yaşındadır, evdar qadındır. Atasının isə 35 yaşı var. Aylıq gəliri 7000 Nepal rupisidir (70-75 azn). Çətinliklə dolanan ailənin Rameşin müalicəsinə maddi imkanı çatmayıb.

Bir gün isə bəxtsiz Rameşin üzünə tale gülüb. Belə ki, ingilis müğənni Joss Stone onun fotolarını sosial mediada izləyib və uşağa maddi baxımdan yardım etmək qərarına gəlib. O, Nepalda bir konsert proqramı ilə çıxış edib, konsertdən toplanan pulları isə Rameşin səhhətinə xərcləyib. Lakin bu da yetərli olmayıb. Katmandu xəstəxanasının həkimləri bu məbləğə 11 yaşlı Rameşin sancılarının azalmasına və daşlaşmasının qarşısını almağa çalışacaqlarını söyləyiblər.

Könül Aypara