Rəqsanə Selami Şahinlə duetə hazırlaşır

Azərbaycanlı müğənni Rəqsanə İsmaylovanın yeni klip çəkilişi üçün Türkiyəyə üz tutduğu barədə məlumat vermişdik. Ötən gün çəkilişlərdən olan fotolarını sosial şəbəkədə paylaşan ifaçı Türkiyənin sevilən sənətçisi Selami Şahinlə görüşüb. Paytaxt İstanbulda səhər yeməyi üçün mərkəz restoranlarından birinə üz tutan sənətçilərin səmimi görüntüləri nəzərdən qaçmayıb. Selami bəy ilə şəkil çəkdirmək üçün kamera önünə keçən Rəqsanə görüş zamanı yaradıcılıqdan danışdıqlarını qeyd edib. İnstaqram səhifəsində yeni fotolarını izləyiciləri ilə paylaşan Rəqsanə S.Şahinin onun üçün çox dəyərli olduğunu vurğulayıb:"Selami Şahin, dəyərli insan. Bu da oldu. Birlikdə səhər yeməyinə getdik. Çox gözəl və sadə insandır. Azərbaycanı da çox sevir. Maraqlı söhbət keçdi. Şükür ki, gec də olsa, Allahım istədiyim hər şeyi mənə verir. Selami bəylə gözəl mahnı hazırlıqlarına başlayacağıq. Xeyirli-uğurlu olsun".

Xatırladaq ki, azərbaycanlı 5 müğənniyə bəstələdiyi mahnıları hədiyyə edən Rəqsanə bəstələrindən birini də Selami Şahinə hədiyyə edəcəyini bildirmişdi.