Minifutbol turniri başa çatıb

İsveçin paytaxtı Stokholm şəhərində xarici ölkələrin diaspor təşkilatlarının iştirakı ilə keçirilən "Stockholm United FM 2024 - SUSA FM 2024" beynəlxalq minifutbol turniri başa çatıb.

"Stockholm United FM 2024 - SUSA FM 2024" minifutbol turnirinin təşkilatçısı və layihə müəllifi Stockholm United Sport Academy-nin ( SUSA ) rəhbəri, məşqçi Rüfət Əhmədovun Oxuməni.az saytına verdiyi xəbərə görə, final görüşündə Tanzaniya və Özbəkistan komandaları görüşüblər. Gərgin keçən oyunda Tanzaniya komandasl 1:0 hesabı ilə Özbəkistan komandasına qalıb gələrək fəxri mükafatın sahibi olub.

Rüfət Əhmədov turnirin yüksək səviyyədə təşkil olunduğunu və növbəti ildə də keçiriləcəyini söyləyib.

Göstərdikləri yaxşı oyun ilə tamaşaçıların və idman mütəxəssislərinin rəğbətini qazanan Azərbaycan komandasının istedalı futbolçuları Məhəmməd Səfərov və Məmməd Xəlilov:

Məhəmməd Səfərov

Məmməd Xəlilov

Onu da deyək ki. əsasən 16-18 yaşlılardan təşkil olunan Azərbaycan komandası güclü rəqiblərlə baş-başa mübarizə aparsa da, idman xoşbəxtliyi qarşı tərəfin üzünə gülüb. Bununla belə gənc komandamız əzmkar mübarizəsinə görə, tamaşaçıların və idman mütəxəssislərinin rəğbətini qazanıb.

Xatırladaq ki, tunirin tərəfdaşları "Stockholm Fotbollförbundet", "Balder-Martin Kesenci" firması, informasiya dəstəyi "Oxumeni qəzeti" və "Oxumeni.az" saytı olub

Rüfət Əhmədov və Azərbaycan komandasının baş məşqçisi Şakir Bilalov

Xatırladaq ki, komandamızı yarışlara məşqçi Şakir Bilalov hazırlayıb.

Rüfət Əhmədov qardaşı ilə birlikdə

Əziz Mustafa, Oxuməni.az