ABŞ dövlət katibi Entoni Blinken hava şarına görə Çinə səfərini təxirə salıb

Blinkenin çinli həmkarı və ehtimal ki, prezident Si Tsinpinlə də görüşü olmalı idi . Son zamanlar iki ölkə arasında münasibətlərdə gərginliyin azalması müşahidə olunur, nəticədə bu səfər planlaşdırılıb.

Oxuməni.az xəbər verir ki, Çin hava şarının meteoroloji araşdırmalar üçün istifadə edildiyini və pis hava şəraiti səbəbindən marşrutundan yayındığını bildirib.

Çin Xarici İşlər Nazirliyi açıqlamasında hadisədən təəssüfləndiyini və problemin həlli üçün ABŞ ilə birlikdə çalışacağını bildirib.

Jurnalistlərə açıqlama verən ABŞ Dövlət Departamentinin yüksək rütbəli rəsmisi Blinkenin hazırda Çinə səfəri üçün şəraitin uyğun olmadığını, lakin ən qısa zamanda başqa bir səfərin planlaşdırılacağını bildirib.

Dövlət Departamentinin sözçüsü əlavə edib ki, Vaşinqton ABŞ-ın suverenliyinin açıq şəkildə pozulması adlandırılan insidenti müzakirə etmək üçün açıq kommunikasiya xətlərini saxlamağı planlaşdırır.

Rəsmi ABŞ-ın Çinin hava şarının təyinatını elan etməsini nəzərə aldığını desə də, Müdafiə Nazirliyinin ondan casusluq üçün istifadə edildiyini israr edir.

Blinkenin səfəri fevralın 5 və 6-da baş tutmalı idi. ABŞ rəsmisi səfərin təxirə salınması qərarı Blinken və prezident Co Bayden tərəfindən verildiyi bildirilib..

E.Axund, Oxuməni.az