Suriyanın xarici işlər naziri Ankaraya səfər edəcək

07:35

Bəyəndim (1) Bəyənmədim (0)

Xarici işlər naziri Əsəd Həsən əl-Şibaninin başçılıq etdiyi Suriyanın yeni administrasiyasının nümayəndə heyəti yanvarın 15-də Türkiyəyə səfər edəcək. Bu barədə Türkiyə Xarici İşlər Nazirliyi məlumat yayıb.

Əl-Şibani daha əvvəl Ankaraya planlaşdırılan ilk rəsmi səfərini açıqlamışdı.

"Səfər zamanı Türkiyənin xarici işlər naziri Hakan Fidan, milli müdafiə naziri Yaşar Gülər və Milli Kəşfiyyat Təşkilatının rəhbəri İbrahim Kalın suriyalı həmkarları ilə görüşəcək", - Türkiyə nazirliyinin açıqlamasında bildirilir.

Bundan əvvəl “A haber” telekanalı Suriyanın yeni administrasiyasının əsas nazirlərinin – xarici işlər naziri, müdafiə naziri Murhaf Əbu Kəsra və Baş Kəşfiyyat Xidmətinin rəhbəri Ənəs Həsən Xəttabın türk həmkarları ilə danışıqlar aparmaq üçün yanvarın 15-də Ankaraya gələcəyini bildirib. Telekanalın məlumatına görə, onların ölkə prezidenti Rəcəb Tayyib Ərdoğan tərəfindən qəbul ediləcəyi istisna edilmir.

Oxuməni.az