İsrail ordusu Qəzza zolağında gedən döyüşlərdə 5 əsgərin öldüyünü bildirib

14 Yanvar 08:27

Bəyəndim (1) Bəyənmədim (0)

Qəzza zolağının şimalında baş verən döyüşlərdə İsrail Müdafiə Qüvvələrinin (IDF) 5 əsgəri həlak olub. Bu barədə ordunun mətbuat xidməti məlumat yayıb.

Məlumata görə, Fələstin anklavının şimalında baş verən qarşıdurma zamanı daha səkkiz İsrail əsgəri ağır yaralanıb və sonrakı müalicə üçün xəstəxanaya təxliyə edilib.

2023-cü il oktyabrın 7-də Qəzza zolağından HƏMAS yaraqlılarının İsrail ərazisinə daxil olması, sərhəd yaşayış məntəqələrinin sakinlərinin öldürülməsi və əsirlərin girov götürülməsi ilə müşayiət olunandan sonra Yaxın Şərqdə vəziyyət kəskin şəkildə pisləşib. İsrail Qəzzanı tam blokadaya aldığını elan edib və zolağında hərbi əməliyyata başlayıb.

Oxuməni.az