Sanksiyaya məruz qalan Çin bankı Rusiyaya ödənişləri dayandırıb

Çinin “Heihe Rural Commercial Bank” bankı Avropa İttifaqının tətbiq etdiyi sanksiyalara görə Rusiyadan ödənişləri qəbul etməyi dayandırıb, “Vedomosti” Rusiyanın iki bankındakı və dörd idxalçı şirkətdəki mənbələrə istinadən xəbər verir.
Çin bankı iyulun 19-da Avropa sanksiyalarına məruz qalıb. Aİ Şurasının materialları göstərir ki, “Heihe Rural Commercial Bank” anti-Rusiya məhdudiyyətlərinə baxmayaraq kripto aktivləri ilə bağlı xidmətlər göstərib. Qərar avqustun 9-da qüvvəyə minib. Bu tarixdən etibarən Aİ vətəndaşlarına Çin bankı ilə hər hansı əməliyyatlarda iştirak etmək qadağan edilib.
“Vedomosti” mənbəsi bildirib ki, sanksiyalar tətbiq olunduqdan bir ay sonra Heiheyə ödənişlər normal həyata keçirilib, keçən həftə problemlər yaranıb – bank pul qəbul etməyi dayandırıb. Təchizatçının sorğusuna cavab olaraq, “Heihe Rural Commercial Bank” bankı “sistem yeniləməsinə” işarə edib və onun tamamlanmasından sonra vəziyyətin yaxşılaşacağına əmin edib, lakin vaxt çərçivəsini göstərməyib.
Banklardan birindəki mənbə də qəzetə bildirib ki, problemlər avqustun sonunda yaranıb. Onun sözlərinə görə, ödənişlər avqustun 28-də dayandırılıb. Bank çətinlikləri “daxili infrastrukturun yaradılması” ilə izah edib. Başqa bir kredit təşkilatının meneceri “Heihe Rural Commercial Bank” bankının bütün Rusiya bankları ilə hesablaşmaları dayandırdığını təsdiqləyib. O iddia edir ki, bank hələ ödənişlərin bərpa olunma vaxtını açıqlamayıb.
RBC “Heihe Rural Commercial Bank” bankına sorğu göndərib.
A-Pro hüquq firmasının beynəlxalq layihələrin dəstəklənməsi təcrübəsinin rəhbəri Dmitri Dvoretski bildirib ki, “Heihe Rural Commercial Bank” Rusiyada icazəsiz kredit təşkilatları ilə işləyən sonuncu banklardan biridir. Onun sözlərinə görə, Rusiya bankları ilə işin dayandırılması təxminən avqustun 11-dən başlayıb. Eyni zamanda, Dvoretski qeyd edir ki, bank əvvəllər iri ödənişlər etməyib. “Money Roo” ödəniş agentinin baş direktoru Aleksey Ostanin iddia edir ki, digər Çin bankları Heihedən ödənişləri qəbul etməkdən imtina etdiyi üçün Rusiya ilə hesablaşmalar dayandırılıb.
Digər bir Çin Bankı “Heihe Rural Commercial Bank” ilə birlikdə Avropa sanksiyalarına məruz qalıc — “Heilongjiang Suifenhe Rural Commercial Bank”. Pekin, AB-nin iki banka qarşı ittihamlarının "əsassız"olduğunu söyləyib. Cavab olaraq Çin hakimiyyəti Litvanın “UAB Urbo Bankas” və “AB Mano Bankas” bankları ilə əməliyyatları qadağan edib.
Almaz Həsənli