Araz Kəsəmənlinin məhkəməsi yenə təxirə salındı

7 May 2014 17:05

Bəyəndim (0) Bəyənmədim (0)

Bu gün Ağır Cinayətlər Məhkəməsində mərhum şair Nüsrət Kəsəmənlinin oğlu Araz Kəsəmənlinin məhkəmə prosesi keçirilib. Hakim Cavid Hüseynovun sədrliyi ilə baş tutan məhkəmə növbəti dəfə təxirə düşüb.

Hakim bildirib ki, buna səbəb dövlət ittihamçısı Eldar Həmzəyevin səhhətində yaranan problemdir. "O, məzuniyyətə çıxıb. Prokuror məhkəmədə iştirak etmədiyinə görə, bu gün prosesi təxirə salırıq. Araz Kəsəmənlinin növbəti Məhkəməsi mayın 16-ı saat 14:00-da olacaq".

Qeyd edək ki, A.Kəsəmənli 2013-ci il sentyabrın 17-də qardaşı Reşat Kəsəmənli və dostu Valehlə toya getdikləri zaman şöbəyə aparılıb. Hadisədən bir neçə saat sonra Reşat və Valeh buraxılsa da, Araz Cinayət Məcəlləsinin 234-cü (qanunsuz olaraq narkotik vasitə əldə etmə, saxlama, satma, daşıma, göndərmə) maddəsi ilə istintaqa cəlb edilib.

Mediainfo.az