![Əli Həsənov: "Bu prinsip və normalar Azərbaycan vətəndaşlarının hüquq və azadlıqlarını, milli azlıqlar və qruplar arasında münasibətləri tənzimləyir"](http://oxumeni.az/media/news/2015/11/photo_43623.jpg)
Əli Həsənov: "Bu prinsip və normalar Azərbaycan vətəndaşlarının hüquq və azadlıqlarını, milli azlıqlar və qruplar arasında münasibətləri tənzimləyir"
"Azərbaycanın müstəqillik əldə etdikdən sonra bu günə qədər inkişaf yolunda həyata keçirdiyi siyasət əməkdaşlığa söykənib. Bu əməkdaşlıq beynəlxalq hüquqa və normalara əsaslanır".
Bu sözləri "Konstitusion hüquq və azadlıqların təmin olunmasında ölkədaxili və beynəlxalq təşkilatların əməkdaşlığının rolu" mövzusunda keçirilən Ombudsmanların XIII Bakı Beynəlxalq Konfransında çıxış edən Azərbaycan prezidentinin ictimai-siyasi məsələlər üzrə köməkçisi, Prezident Adminstrasiyasının İctimai-siyasi məsələlər şöbəsinin müdiri Əli Həsənov deyib.
Ə. Həsənov bildirib ki, Azərbaycan BMT Nizamnaməsinin əsas hüquq və prinsiplərini rəhbər tutaraq qanunvericiliyini formalaşdırıb: "Konstitusiyamızda hüquq və normalar əksini tapıb, bu prinsip və normalar Azərbaycan vətəndaşlarının hüquq və azadlıqlarını, milli azlıqlar və qruplar arasında münasibətləri tənzimləyir. Ötən 20 il ərzində bu sahədə hər hansı ciddi problem yaşanmasının şahidi olmamışıq. Azərbaycanda söz və ifadə azadlığı, toplaşmaq, siyasi fəaliyyət azadlığı, insanların seçilib-seçilmək hüququ tam təmin olunub".
Mediainfo.az